15 лістапада 2025 года 19:00 у Еўрапейскім цэнтры Салідарнасці ў Гданьску адбудзецца ўрачыстая цырымонія ўручэння Беларускай літаратурнай прэміі імя Ежы Гедройца – адной з найважнейшых культурных узнагарод Беларусі.

Прэмія, якая прысуджаецца з 2012 года за выдатныя творы мастацкай і дакументальнай прозы, з'яўляецца сімвалам падтрымкі для аўтарак і аўтараў, а таксама фарміравання вобраза сучаснай беларускай літаратуры.

​

У гэты дзень у ЕЦС таксама запланаваны наступныя мерапрыемствы:

• выстава забароненых у Беларусі кніг,

• сустрэчы з аўтаркамі і аўтарамі, намінаванымі на прэмію,

• дыскусія з лаўрэатамі прэміі «Голас Пакалення Свабоды» і прэзентацыя іх анталогіі,

• кірмаш беларускай кнігі.

 

Уваход на ўсе мерапрыемствы вольны.

 

Арганізатары прэміі: Беларускі ПЭН, Міжнародны саюз беларускіх пісьменнікаў

Арганізатары мерапрыемства: Беларускі ПЭН, Беларускае культурнае таварыства «Хатка», Міжнародны саюз беларускіх пісьменнікаў, Еўрапейскі цэнтр Салідарнасці, Польскі ПЭН-клуб

Партнёры цырымоніі: Audiobook.by, Reform.news, Еўрапейскае радыё для Беларусі, Numar8Production